नवव्या महिन्यात बाळाची हालचाल?

९ महिने बाळ गर्भात असं जगतं आयुष्य, जाणून घेतल्यावर व्हाल आश्चर्यचकित!
Pratiksha More | Maharashtra TimesUpdated: 25 Jul 2020, 6:58 pm
112
Subscribe
आई आणि बाळ यांची नाळ ही गर्भापासूनच जुळलेली असते हे तर तुम्हाला माहितच असेल. त्याचप्रमाणे गर्भावस्थेच्या काळात आईसोबत बाळही अनेक नवनवीन गोष्टी शिकत असतं. बाळाचा गर्भातील ९ महिन्यांचा प्रवास जाणून घेतल्यावर तुम्ही देखील व्हाल आश्चर्यचकित!

how to baby live in womb for 9 months in marathi
९ महिने बाळ गर्भात असं जगतं आयुष्य, जाणून घेतल्यावर व्हाल आश्चर्यचकित!

Adv: १ ते ७ जुलैपासून सुपर वॅल्ह्यू डे- ग्रॉसरी आणि रोजच्या वस्तूंवर ४५ टक्क्यांपर्यंत सूट

बाळाची नाळ गर्भापासूनच आईशी जोडलेली असते हे फक्त म्हणण्यापूरतंच नाही तर शाश्वत सत्य आहे. कारण ९ महिने गर्भात असताना बाळ एकप्रकारे आईचं आयुष्य जगत असतं. आई हसली, रडली, झोपली, जेवली अगदी उदास झाली तरी ते बाळाला समजतं आणि आईच्या अगदी लहानात लहान अॅक्शनलाही बाळ गर्भात प्रतिक्रिया देत असतं हे तुम्हाला ठाऊक आहे का? खोटं वाटेल पण वेगवेगळ्या रिसर्चनुसार बाळ कोणत्या आठवड्यात किंवा कोणत्या महिन्यात आईची कोणती क्रिया आत्मसात करतं याबद्दल सर्व काही समोर आलं आणि ते पाहून सारेच थक्क झाले.


गर्भात असताना बाळ फक्त जन्माचीच वाट पाहत नाही तर बाहेरच्या जगात येण्यासाठी स्वत:च स्वत:ला तयार करत असतं. त्याव्यतिरिक्त गर्भात असतानाही बाळ कौतुक वाटावं अशा काही हालचाली करतं. त्याच्या या लक्षवेधी आणि अविस्मरणीय वाटणा-या गोष्टींबद्दल जाणून घेऊया इत्यंभूत माहिती!
चेह-याला कधी हात लावतं?

इंग्लंडमधील दुरहाम आणि लैंकेस्‍टर यूनिवर्सिटी द्वारे केल्या गेलेल्या एका अध्ययनानुसार आई जितकी जास्त चिंताग्रस्त होते किंवा ताण घेते तितकं बाळ आपला उजवा हाताचा चेह-याला स्पर्श करतं. याचाच अर्थ आईच्या प्रत्येक छोट्या छोट्या भावभावनांचा परिणाम बाळावर सतत होत असतो. यामुळेच आपल्या घरातील वयस्कर लोकांकडून सतत प्रेग्नेंट स्त्रीला शांत आणि आनंदी राहण्याचे सल्ले दिले जातात.

(वाचा :- प्रग्नेंसीमध्ये व डिलिव्हरीनंतर केस गळण्याची समस्या वाढली आहे? हे उपाय करतील समस्येच्या मुळावर घाव!)
हावभाव शिकतं

गर्भातील अर्भकाची ४डी स्कॅन पाहून संशोधकांना हा शोध लागला की २४व्या आठवड्यानंतर बाळ 'टू डायमेंशनल' फेशियल एक्‍सप्रेशन शिकू लागते. जसं की हसण्यासाठी ओठ खेचणं. तर ३६व्या आठवड्यानंतर गर्भातील बाळ आईच्या चेह-यावरील हावभाव ओळखण्यात अजूनच चतुर होतं. जसं की नाक संकुचित करणं किंवा मग चेह-यावर आढेवेढे घेण्याचे हावभार करणं.

(वाचा :- IVF पद्धतीचा वापर करून आई बनण्याआधी जाणून घ्या त्याचे साईड इफेक्ट्स!)
गर्भात बाळ रडतं देखील

एका अभ्यासात अल्‍ट्रासाउंडची व्हिडीओ रिकॉर्ड केली गेली. यामध्ये असं आढळलं की प्रेग्नेंसीच्या तिस-या महिन्याच्या तिस-या आठवड्यात गर्भातील बाळ जोरात आवाज ऐकून घाबरंघुबरं होतं आणि रडू आल्याचे भाव आपोआपच त्याच्या चेह-यावर उमटतात. यामध्ये तोंड उघडणं, जीभ ताणून घेणं आणि थरथरणं यासारख्या गोष्टींचा समावेश आहे. काही मुलं गर्भात असतानाच अंगठा चुपण्यास सुरुवात करतात. अशा मुलांमध्ये जन्मानंतरही ही सवय आढळून येते. तसंच बाळाला उचकी लागताच पोट काहीसं वर येतं. याचाच अर्थ बाळाला गर्भापासूनच उचकी लागायला सुरुवात होते.

(वाचा :- डिलिव्हरीनंतर बद्धकोष्ठतेचा त्रास होऊ लागला तर करा ‘हे’ घरगुती उपाय!)
सुगंधं घेणं आणि स्पर्शाची जाणीव

गर्भात असल्यापासूनच बाळाची सुगंधं घेण्याची क्षमता विकसीत होऊ लागते. सिगारेटचा सुवास येताच बाळ प्रतिक्रिया देतं. प्रेग्नेंसीचा तिसरा महिना संपेपर्यंत आई जे काही खाते-पिते त्याचा सुवास बाळ ओळखू लागतं. तसंच गर्भावस्थेच्या सुरुवातीच्या काही महिन्यांतच बाळ स्पर्श देखील ओळखू लागतं. या दरम्यान यूट्राइन वॉल, अम्‍बिलिकल कॉर्ड इतकंच काय तर बाळाच्या अवयवांचा चेह-याला स्पर्श होतो. प्रेग्नेंसीच्या नवव्या महिन्यात बाळाच्या ओठ आणि चेह-याला स्पर्श होताच ते प्रतिक्रिया देऊ लागतं.